З'явіўся мабільны дадатак, які дапаможа разабрацца ў новых грошах пасля дэнамінацыі

Дастаткова навесці камеру тэлефона на купюры.

Да дэнамінацыі засталося крыху больш за месяц, і пакуль галоўная тэма, якая хвалюе беларусаў - як у думках параўнаць стары кошт з новым і не выдаткаваць лішняга. Каб захаваць час і нэрвы, энтузіясты прыдумалі мабільны дадатак "Дэнамiнацыя". Пакуль ўсталяваць яго могуць толькі карыстальнікі Android, піша "Комсомольская правда в Беларусі".

Працуе праграма наступным чынам: наводзіш камеру на адну з цяпер дзейных банкнот - і па-над ёй з’яўляецца яе новы аналаг. Паводле задумы аўтараў дадатку гэтая ж функцыя павінна працаваць і з замежнымі валютамі, але пералічыць даляры-еўры ў новыя беларускія грошы пакуль нельга.