Мясніковіч: Рэальна грошай няма. Крэдыты мізэрныя і дарагія
106- 30.05.2016, 8:24
- 28,057
Грашовыя даходы насельніцтва Беларусі да канца пяцігодкі ўлады хочуць павялічыць на 9,5-11%.
Пра гэта заявіў старшыня «савета рэспублікі» «нацыянальнага сходу» Міхаіл Мясніковіч у інтэрв'ю праграме «Галоўны эфір» на тэлеканале «Беларусь 1», паведамляе БелТА.
«Мы выступаем за безпазыковы плацежны баланс краіны, за збалансаванае развіццё. У якасці прыярытэтаў - занятасць, экспарт і інвестыцыі. Разлікі кажуць пра тое, што рэальна можна выходзіць на рост аб'ёмаў УБП 110-115%, экспарту - 120-125%, рэальныя наяўныя грашовыя даходы насельніцтва могуць павялічыцца ў межах 9,5-11% пры росце прадукцыйнасці працы 11-15%», - адзначыў Міхаіл Мясніковіч.
З яго слоў, неабходны новыя віды дзейнасці і новыя прадпрыемствы, для чаго патрэбныя інвестыцыі. «Рэальна іх няма. Бюджэт не можа сабе дазволіць. Прыбытку ў дзейсных прадпрыемстваў няма. Крэдыты малыя і дарагія. Паводле разлікаў урада дэфіцыт абаротных сродкаў ацэньваецца ў $8,4 млрд. Значыць, гэтых сродкаў таксама няма», - растлумачыў Міхаіл Мясніковіч.
Пры гэтым старшыня «савета рэспублікі» падкрэсліў, што інвестыцыі прыйдуць у краіну пры ўмове развіцця прыватнай ініцыятывы, стварэння новых прадпрыемстваў пераважна ў вытворчай сферы.