Камеры хуткасці пакуль не будуць прыбіраць з праспекта Незалежнасці

Планавалася, што фотафіксатары будуць працаваць да канца траўня, аднак ДАІ вызначыла пакінуць камеры яшчэ на месяц.

Увесь травень на праспекце Незалежнасці ў Менску працавалі мабільныя датчыкі кантролю хуткасці. «Стралялі» ўсяго з двух пунктаў, але ў абодвух кірунках. Відавочна, іх праца дала вынік, паколькі камеры наважылі пакінуць на сваіх месцах яшчэ на месяц, піша onliner.by.

Адзін пункт размешчаны на праспекце Незалежнасці каля будынка нумар 156 (АЗС «Беларуснафта») - гэта раён пуцеправода на развязцы праспекта і МКАД. У чэрвені камеры хуткасці тут будуць працаваць з 7:00 да 20:00 у наступныя дні месяца: 1, 3, 6, 8, 10, 13, 15, 17, 20, 22, 24, 27 i 29. Абмежаванне хуткасці на гэтым адрэзку - 80 км/г.

У астатнія дні, а менавіта: 2, 4, 5, 7, 9, 11, 12, 14, 16, 18, 19, 21, 23, 25, 26, 28 і 30, камеры хуткасці будуць працаваць ля перасячэння праспекта з вуліцай Рагачоўскай па кірунку да мяжы горада. Таксама з 7:00 да 20:00, тыя ж 80 км/г.