У Бабруйску і Магілёве «замінавалі» жылы дом і гандлёвы цэнтр

У выніку двух «замінаванняў» эвакуявалі 82 чалавекі.

А 15.40 у міліцыю звярнуўся жыхар Бабруйска, які распавёў пра намер суседа яго маці, што жыве ў шматкватэрным доме на вуліцы Лынькова, падарваць пад'езд гэтага жылога будынка. На месца здарэння выязджалі прадстаўнікі сілавых структур, МНС і медыкі. З сёмага пад'езда дома былі эвакуяваныя 10 чалавек. Выбухованебяспечных прадметаў не выяўлена, паведамілі БелаПАН ва УУС Магілёўскага аблвыканкама.

Паводле падазрэння ў заведама ілжывым паведамленні пра небяспеку затрыманы бабруйчанін, які пагражаў падарваць пад'езд.

Другі факт фальшывага паведамлення аб замінаванні будынка ў Магілёўскай вобласці быў зафіксаваны ўвечары 14 чэрвеня. А 17.30 адміністрацыя магілёўскага гандлёвага цэнтра «Прэстан» звярнулася ў міліцыю з паведамленнем пра тое, што невядомы абражае і пагражае падарваць гэты аб'ект гандлю.

Да «Прэстана» былі накіраваны прадстаўнікі сілавых структур, МНС, медыкі, сапёрна-піратэхнічная група в/ч 6713. Яны эвакуявалі 72 работнікі і наведвальнікі гандлёвага цэнтра. Яго праца была перапыненая з 17.30 да 20.00. Ніякіх выбуховых прылад знойдзена не было. Паводле гэтага факта праводзіцца праверка.