Адпачынак не атрымаўся: на Менскім моры дрэва павалілася на некалькі аўтамабіляў

Некаторыя машыны «абышліся» драпінамі, некаторыя - выбітым шклом.

Моцны вецер, які прайшоў па Беларусі на днях, валіў дрэвы, зрываў дахі, рваў драты. Інтэрнэт апанавалі фота наступстваў стыхіі.

Не пашэнціла аўтаўладальнікам, якія адправіліся адпачыць на Менскае мора. На паркоўцы пятага пляжу дрэва накрыла некалькі аўтамабіляў, паведаміў сайту abw.by чытач Міхаіл.

«Volkswagen не пацярпеў. BMW абыйдзецца паліроўкай. А вось у Audi прабіта наскрозь лабавое шкло», - напісаў сведка.