П'яны кіроўца BMW працягнуў супрацоўніка ДАІ на дзвярах і рэзнуўся ў службовы аўтамабіль
15- 20.06.2016, 16:07
- 18,449
Мужчына не зусім адэкватна адрэагаваў на праверку дакументаў.
У горадзе Высокім Камянецкага раёна Берасцейскай вобласці супрацоўнікі ДАІ спынілі аўтамабіль BMW. Аднак пасля таго, як інспектар падышоў да дзвярэй кіроўцы, аўтамабіліст нечакана завёў рухавік і паспрабаваў уцячы. У выніку ён некалькі метраў цягнуў інспектара на дзвярах, а затым рэзнуўся ў службовую машыну, паведамілі ў ДАІ Берасцейскай вобласці.
Інцыдэнт адбыўся ў пятніцу, 17 чэрвеня. Супрацоўнікі ДАІ неслі службу. На вуліцы Палявой яны спынілі машыну BMW 5-Series. За стырном быў хлопец. Калі інспектар падышоў да адчыненых дзвярэй, хлопец нечакана завёў рухавік і паехаў, спрабуючы схавацца.
Так ён некалькі метраў цягнуў супрацоўніка ДАІ на дзвярах, пакуль не рэзнуўся ў службовы аўтамабіль Geely на стаянцы.
- Высветлена, што службовы аўтамабіль на момант ДТЗ знаходзіўся з уключанымі пробліскавымі маячкамі чырвонага і сіняга колеру, - падкрэслілі ў ДАІ Берасцейскай вобласці.
Медагляд выявіў, што кіроўца BMW знаходзіўся ў стане алкагольнага ап'янення - 2,9 праміле. У дачыненні да яго складзеныя адміністрацыйныя пратаколы.