Дэпутатка Сейма: Польшча мяняе пасла ў Расеі
- 22.06.2016, 16:35
- 8,224
Дэпутатка Сейма Малгажата Гасеўска паведаміла, што МЗС Польшчы прыняло пастанову аб замене амбасадара ў Расеі.
Міністэрства замежных спраў Польшчы прыняло пастанову аб замене паслоў у шэрагу краін. Прадстаўляць Польшчу ў Расеі будзе Уладзімеж Марціняк.
Пра гэта на сваёй старонцы ў Facebook напісала польскі палітык Малгажата Гасеўска (пераклад - «Радыё Польшча»).
«Доктар Уладзімеж Марціняк прызначаны паслом Польшчы ў Расейскай Федэрацыі», - напісала яна.
Малгажата Гасеўска паведаміла, што новыя паслы з'явяцца таксама ў дыпмісіях Сербіі і Вялікай Брытаніі.