29 сакавiка 2024, Пятніца, 8:26
Падтрымайце
сайт
Сім сім,
Хартыя 97!
Рубрыкі

У Мінску 28 чэрвеня адбудзецца сустрэча з Янкам Запруднікам

У Мінску 28 чэрвеня адбудзецца сустрэча з Янкам Запруднікам
Фота: zbsb.org

Адзін з самых вядомых дзеячоў беларускай эміграцыі прэзентуе сваю кнігу "Кантакты".

Сустрэча з адным з самых вядомых дзеячаў беларускай дыяспары, доктарам Янкам Запруднікам, адбудзецца ў аўторак, 28 чэрвеня, у Мінскай абласной бібліятэцы імя А. Пушкіна (вул. Гікалы, 4).

Пра гэта charter97.org паведамілі ў інфармацыйным цэнтры Задзіночання беларусаў свету "Бацькаўшчына".

Нагода для сустрэчы – прыезд сп. Янкі на Радзіму напярэдадні яго 90-годдзя і прэзентацыя кнігі "Кантакты", што нядаўна ўбачыла свет у серыі "Бібліятэка "Бацькаўшчыны".

Выданне заснаванае на лістах, што пісалі беларусы з метраполіі Янку Запрудніку, і з’яўляецца своеасаблівым працягам выдадзенай у мінулым годзе кнігі Янкі Запрудніка "Па гарачых сьлядах мінуўшчыны. Лісты 1952-1959 гг.".

Вядомыя даследчыкі эміграцыі Наталля Гардзіенка і Лявон Юрэвіч, якія займаліся ўкладаннем "Кантактаў", працавалі з тым самым архівам, толькі з іншага ракурсу: іх мэтай было паказаць, як і дзеля чаго беларусы з метраполіі наладжвалі кантакты з беларусамі ў эміграцыі.

Апроч галоўнага героя кнігі – доктара Янкі Запрудніка – выступяць:

Ганна Запартыка, дырэктар Беларускага дзяржаўнага архівамузея літаратуры і мастацтва;

Радзім Гарэцкі, акадэмік НАН Беларусі;

Адам Мальдзіс, літаратуразнаўца, доктар філалагічных навук;

Лідзія Савік, літаратуразнаўца, кандыдат філалагічных навук;

Уладзімір Арлоў, гісторык, пісьменнік.

Валеры Герасімаў, загадчык аддзела старадрукаў і рэдкіх выданняў прэзідэнцкай бібліятэкі, намеснік старшыні Рады "Бацькаўшчыны".

Мадэратар сустрэчы — Наталля Гардзіенка, кандыдат гістарычных навук.

Падчас імпрэзы адбудзецца ўрачыстае ўганараванне пераможцаў конкурсу працаў пра беларускае замежжа, які ладзіўся Згуртаваннем беларусаў свету "Бацькаўшчына" да свайго 25гадовага юбілею.

Пачатак імпрэзы 28 чэрвеня ў 18:00.

Уваход на мерапрыемства вольны.

Напісаць каментар

Таксама сачыце за акаўнтамі Charter97.org у сацыяльных сетках