29 сакавiка 2024, Пятніца, 16:34
Падтрымайце
сайт
Сім сім,
Хартыя 97!
Рубрыкі

У афармленні «Крыніцы» стала больш беларускай мовы

9

Цяпер пад беларускамоўнымі этыкеткамі выходзяць найбольш вядомыя гатункі «Крыніцы» – светлае, цёмнае, прэміум і моцнае.

23 чэрвеня бровар «Крыніца» правёў прэзентацыю абноўленай прадукцыі, піша nn.by.

Генеральны дырэктар прадпрыемства Аляксандр Кіжук у сваёй уступнай прамове адзначыў, што гэта, «на шчасце, ужо не тая прадукцыя, пра якую склаліся стэрэатыпы».

Сапраўды, пра «Крыніцу» існуюць забабоны. Маўляў, што з іх усё ўзяць, усё зразумела. Хаця бровар за апошнія гады парадаваў спажыўцоў вельмі якаснымі прадуктамі, такімі як «Kult» і «Портар 8-20».

Цяпер пад новымі этыкеткамі выходзяць больш вядомыя гатункі «Крыніцы» – светлае, цёмнае, прэміум і моцнае. «Назвы старыя, але ўнутры ўсё новае», — патлумачыў Кіжук.

Варта адзначыць, што пры афармленні новай прадукцыі выкарыстоўваецца беларуская і англійская мова. Праўда, беларуская мова толькі ў назве. Змест і выходныя дадзеныя чамусьці выключна па-руску.

Рэбрэндынгавая прадукцыя пачне з’яўляцца ў крамах ад панядзелка.

Таксама «Крыніца» сумесна з тэлеканалам АНТ і гуртом «Без білета» прэзентавала новы праект «Беларусь без межаў». Ён пачне выходзіць на АНТ ад 4 ліпеня. У 9 серыях удзельнікі гурту «Без білета» раскажуць пра беларусаў, што жывуць у Чылі, Перу, Нью-Ёрку, Байкале і іншых кутках зямлі.

Напісаць каментар 9

Таксама сачыце за акаўнтамі Charter97.org у сацыяльных сетках