Праз дэнамінацыю «Белтэлекам» не будзе залічваць аплаты ўвечары да 4 ліпеня

Праблемы з аплатай пачнуцца ўжо ў апошні дзень чэрвеня.

У сувязі з дэнамінацыяй прыём аплаты за паслугі РУП «Белтэлекам» будзе працаваць у абмежаваным рэжыме, паведамляецца на сайце аператара.

«1 ліпеня 2016 года будзе праведзеная дэнамінацыя афіцыйнай грашовай адзінкі Беларусі. У сувязі з гэтым прыём аплаты за паслугі сувязі будзе працаваць у абмежаваным рэжыме. Рэкамендуем загадзя і ў неабходных сумах папоўніць асабовыя рахункі паслуг для выключэння выпадкаў часовага прыпынення надання паслуг», - паведамляецца на сайце.

Аплаты за паслугі РУП «Белтэлекам» (гатоўкай, безнаяўнымі аплатамі як у сэрвісных цэнтрах РУП «Белтэлекам», так і з дапамогай АРІП, у тым ліку праз інфакіёскі і іншыя інтэрнэт-сэрвісы банкаў) будуць недаступныя з 23.00 30 чэрвеня.

Залічэнне плацяжоў на асабістыя рахункі паслуг пачне весціся пасля сканчэння работ у дэнамінацыі ў парадку чарговасці не пазней 4 ліпеня. У гэты перыяд таксама будзе адсутнічаць магчымасць вядзення аплаты з дапамогай карт экспрэс-аплаты (у тым ліку віртуальных).

Будзе абмежаваны доступ у інтэрнэт з выкарыстаннем карт Wi-Fi (у тым ліку віртуальных) у перыяд з 23.00 30 чэрвеня да 06.00 1 ліпеня. З 00.00 26 чэрвеня да 00.00 гадзін 04 ліпеня будзе недаступны сэрвіс «Абяцаная аплата» для паслуг з авансавай формай аплаты (byfly, ZALA, «Максіфон», пакеты паслуг «Ясна 10», «Ясна 50», «Сямейны» і іншыя).