Кошт нафты абрынуўся на фоне Brexit

На ранішніх таргах кошт нафты страціў больш за 6 адсоткаў.

Кошт нафты абрынуўся больш чым на 6% у пятніцу пасля таго, як Вялікабрытанія прагаласавала за выхад з ЕЗ, стварыўшы асцярогу аб больш моцным запаволенні эканомікі, якое можа аслабіць попыт, піша АФН.

Прэм'ер-міністр Вялікабрытаніі Дэвід Кэмэран пасля абвяшчэння вынікаў рэферэндуму сказаў, што сыдзе ў адстаўку да кастрычніка.

Пад 14.59 ф'ючэрсы на нафту Brent упалі на 4,48 адсотка да $48,63 за барэль, піша Reuters. Ф'ючэрсы на амэрыканскую нафту WTI да гэтага часу знізіліся на 4,15 адсотка да $48,03 за барэль.

А 19:19 кошт нафты Brent склаў 48,48 (падзенне на 5,1 %).

На ранішніх таргах кошт нафты страціў больш за 6% - максімальнае аднадзённае падзенне з 18 красавіка, калі вядучыя вытворцы не змаглі дамовіцца аб замарожванні здабычы.

Фунт упаў на 10 адсоткаў да мінімуму з сярэдзіны 1980-х гадоў. Індэкс FTSE 100 зменшыўся больш за 8% пры адкрыцці, але затым трохі аднавіўся.

Некаторыя аналітыкі мяркуюць, што нафта можа сутыкнуцца з узмацненнем паніжальнага ціску.

"Узмацненне ўцёкаў ад рызыкі, мабыць, перашкодзіць кошту вярнуцца да адзнакі $50 за барэль у найбліжэйшай будучыні", - сказаў аналітык Commerzbank Карстэн Фритш.

BP паведаміла ў пятніцу, што яе штаб-кватэра застанецца ў Злучаным Каралеўстве, нягледзячы на вынік рэферэндуму.