Парашэнка трапіў пад абстрэл баевікоў у зоне АТА
6- 25.06.2016, 20:12
- 43,910
Прэзідэнт Украіны Пятро Парашэнка трапіў пад абстрэл баевікоў, калі інспектаваў апорныя пункты сіл АТА на Данецкам кірунку.
Як перадае УНІАН, пра гэта паведаміў спікер Адміністрацыі прэзідэнта Украіны ў пытаннях АТА Андрэй Лысенка на брыфінгу ў Кіеве.
«У Зайцаве, Маёрску, Аўдзееўцы, Опытным і Вадзяным адбыліся варожыя мінамётныя абстрэлы, а ў Пясках праціўнік адкрываў агонь са ствольнай артылерыі. Усяго па нашых пазіцыях было выпушчана больш за 130 мін і 26 набояў», - адзначыў ён.
«Учора на гэтых пазіцыях знаходзіўся і прэзідэнт Украіны, нягледзячы на агонь ворага ён праінспектаваў некалькі нашых апорных пунктаў і знайшоў магчымасць пагутарыць з украінскімі абаронцамі. А на легендарным блокпосце «рэспубліка мост», які размешчаны ўсяго за 800 метраў ад Данецкага аэрапорта, кіраўнік дзяржавы ўручыў нашым воінам высокія дзяржаўныя ўзнагароды і падпісаў указ аб дэмабілізацыі вайскоўцаў, што былі закліканыя падчас пятай хвалі мабілізацыі», - дадаў Лысенка.