Каманда Уэльса перамагла Паўночную Ірландыю і выйшла ў чвэрцьфінал

На чэмпіянаце Еўропы ў футболе ў Францыі завяршыўся другі матч на стадыі 1/8 фіналу.

Каманда Уэльса прадоўжыла ўзыходжанне па турнірнай лесвіцы, падолеўшы каманду Паўночнай Ірландыі з лікам 1:0, інфармуе «Прессбол».

У наступным раўндзе валійцы сустрэнуцца з пераможцам пары Бельгія - Вугоршчына.

Уэльс - Паўночная Ірландыя - 1:0

Парыж. «Парк дэ Прэнс».

Суддзя - Марцін Аткінсан (Англія).

Уэльс: Хенэсі - Чэстэр, Э.Уільямс, Дэвіс - Гантэр, Ален, Ледлі (Д.Уільямс, 63), Рамсей, Тэйлар - Воўкс (Робсан-Кану, 55), Бэйл.

Паўночная Ірландыя: Макговэрн - Хьюз, Маколі (Маджэніс, 84), Кэткарт, Дж.Эванс - Уорд (Вашынгтон, 69), Дэвіс, К.Эванс, Норвуд (Макгін, 79), Далас - Лаферці.

Гол: 1:0 - Маколі (75, аўтагол).

Папярэджанні: Далас (44), Тэйлар (58), Дэвіс (67), Рамсей (90+4).