На менчукоў вылілі пяць тысячаў кубаметраў пены
15- 26.06.2016, 10:56
- 7,864
У сталіцы ў суботу адбыўся пенны фестываль.
«У Менск едуць пенныя гарматы, якіх няма ў Беларусі», – заклікаў на акцыю адзін з забаўляльных паркаў беларускай сталіцы. «Гарматы страляюць на 15 – 20 метраў у даўжыню, дыяметр дула – 35 сантыметраў. Такой колькасці пены вы яшчэ не бачылі», – сцвярджалі ў запрашэнні арганізатары.
Каб патрапіць пад пенны «агонь», госці парку павінны былі выкласці ад 130 тысячаў (пры набыцці загадзя) да 150 тысячаў рублёў.
Як выглядаюць 5000 кубаметраў пены – у фотарэпартажы «Белсата».