Электрагітару Прынса прадалі на аўкцыёне ў ЗША за 137 з паловай тысячаў даляраў
- 26.06.2016, 13:59
- 5,289
Гітару Прынса набыў уладальнік футбольнай каманды «Індыянапаліс Колтс» Джым Ірсэй.
Жоўтая электрагітара амерыканскага музыкі Прынса, заўчасна памерлага 21 красавіка, прададзеная на аўкцыёне Heritage Auctions у Лос-Анджэлесе за 137,5 тысячаў даляраў, паведамляе расейская служба ВВС.
Гітару, на якой Прынс граў падчас сваіх выступаў у канцы 1980 і 1990-х гадах, набыў уладальнік футбольнай каманды «Індыянапаліс Колтс» Джым Ірсэй.
У калекцыі Ірсэя ёсць музычныя інструменты іншых легендарных музыкаў, у тым ліку Джона Ленана, Боба Дылана, Рынга Стара і Джэры Гарсія з групы Grateful Dead.
57-гадовы Прынс быў знойдзены мёртвым у сваёй хатняй студыі 21 красавіка. Агенцтва Асашыэйтэд прэс са спасылкай на прадстаўнікоў праваахоўных органаў у пачатку чэрвеня паведаміла, што Прынс памёр ад перадазавання прэпаратамі, якія змяшчаюць опій.
Паводле звестак аўкцыённага дома Heritage Auctions, жоўтая гітара была адным з самых любімых музычных інструментаў Прынса і менавіта з ёй ён часцей за ўсё выступаў у канцы 1980 – пачатку 1990-х гг.
Прынс быў адным з самых уплывовых і папулярных амерыканскіх музыкаў. У 2004 годзе яго ўключылі ў Залу славы рок-н-ролу.
Маёмасць Прынса, які не пакінуў тастаменту, ацэньваецца прыкладна на 100 млн даляраў.