Пад Бярэсцем адбыўся маштабны фестываль пазадарожнікаў
- 26.06.2016, 14:09
- 7,665
На фестываль сабраліся аматары экстрэмальнай язды на джыпах з Беларусі, Украіны, Польшчы, Расеі.
Бярэсце, падобна, робіць заяўку на тое, каб стаць беларускай сталіцай аўтафестываляў, піша kp.by.
Нядаўна тут адбыўся адзін з самых маштабных ва Усходняй Еўропе злёт байкераў, у верасні ў Бярэсці другі раз пройдзе фінал чэмпіянату Беларусі ў дрыфтынгу... Цяпер надышла чарга пафестываліць для аматараў джыпаў!
Трасу для трыялу абсталявалі недалёка ад пасёлка Мухавец, што за 13 км ад Бярэсця. На ёй экіпажы дэманстравалі, як джыпы і квадрацыклы пад кіраваннем дасведчаных пілотаў могуць пераадольваць пясчаныя і гразевыя ўчасткі трасы.
Не абышлося і без пазаконкурсных шоу: шматтонны джып на вачах у гледачоў расціснуў легкавік у камуфляжы божай кароўкі.