Відэахіт: Як пражыць цэлае жыццё, даганяючы вагоны ў метро

Амерыканскі акцёр Артур Мэер зняў кароткаметражку пра стасункі дваіх людзей, якія пастаянна спазняюцца на цягнікі ў нью-ёркскім метро.

У двуххвілінным відэа Мэер на бягу знаёміцца з дзяўчынай, яны пачынаюць блізка стасункаваць, потым жэняцца, нараджаюць дзіця і перажываюць сямейны крызіс. І ўсё гэта – у прамым сэнсе на бягу.

Гэтае відэа – працяг першай частцы серыі ролікаў «Ідыёт з метро», знятай у 2015 годзе. Тады Мэер проста даганяў цягнік у метро.

У Мэера атрымаліся жыццёвыя відэа. А 16 чэрвеня выданне Gothamist апублікавала здымкі сапраўднай рэакцыі жыхароў Нью-Ёрка на дзверы вагонаў цягнікоў метро, якія зачыняюцца перад носам, паведамляе meduza.io.