Аляксандр Гутар: Да матчаў Лігі Еўропы каманда будзе рыхтавацца максімальна

Галкіпер менскага «Дынама» распавёў пра абстаноўку ў камандзе пасля паразы ад «Іслачы».

«Мы згулялі няўдала. Сітуацыя цяжкая і толькі перамога можа цяпер дапамагчы згладзіць стасункі паміж футбалістамі і заўзятарамі, таму нам нічога не застаецца, акрамя як перамагаць у чацвер і рэабілітавацца за дзве паразы. Мы настройваемся на кожны матч, але гэтыя дзве гульні ў нас не атрымаліся. Не магу цяпер знайсці тлумачэнні, але Ліга Еўропы - гэта асаблівы турнір і каманда будзе настройвацца на гэтыя матчы максімальна», - распавёў Аляксандр Гутар, піша «Прессбол».

Нагадаем, паводле вынікаў матчу, які адбыўся 25 чэрвеня, менскае «Дынама» саступіла «Іслачы» (1:3).