Рэкордная спякота не сыходзіць

У Беларусі аб'яўлены аранжавы ўзровень небяспекі.

Удзень 27 чэрвеня ў цэнтральных і ўсходніх раёнах Беларусі максімальная тэмпература паветра дасягне +30°C.. +33°C.

У Менску раніцай і ўдзень чакаюцца навальніцы, месцамі моцныя ліўні, град і шквалістае ўзмацненне ветру парывамі да 15-20 м/с. Удзень максімальная тэмпература паветра дасягне +30°C.

У сувязі з гэтым Белгідраметэацэнтр абвясціў у краіне аранжавы ўзровень небяспекі.

На большай частцы тэрыторыі рэспублікі ў панядзелак удзень кароткачасовыя дажджы, навальніцы, месцамі моцныя ліўні і град. Вецер паўднёвы з пераходам на паўночна-заходні 4-9 м/с, пры навальніцах месцамі шквалістае ўзмацненне ветру парывамі да 15-20 м/с, месцамі да 24 м/с. Тэмпература паветра максімальная ўдзень +28.. +33°C, на захадзе +23.. +27°C.