Новыя сумы камандзіровачных: беларусам прапануюць пражыць на 70 тысяч у дзень
27- 29.06.2016, 17:29
- 24,004
Сума камандзіровачных не змянялася з 2013 года і павысілася ўсяго на 10 тысяч.
Новыя сумы камандзіровачных расходаў у межах Беларусі ўстаноўленыя з 1 ліпеня, паведамляе БелТА.
Так, за пражыванне па-за месцам жыхарства (знаходжання) для выплаты дадатковых выдаткаў камандзіровачныя ўстаноўленыя сумаю 70 тысяч. Раней гэтая сума складала 60 тысяч і не змянялася з 2013 года.
Камандзіровачныя пры аднадзённых службовых выправах у іншую мясцовасць, якая знаходзіцца на нязначнай адлегласці ад месца сталай працы, складуць 35 тысяч.
Без падачы дакументаў, якія пацвярджаюць аплату расходаў для арэнды жылога памяшкання, сума зацверджана сумаю 25 тысяч.