Найбуйнейшы ў свеце алмаз не змаглі прадаць з аўкцыёну
4- 30.06.2016, 9:37
- 15,019
Чакалася, што камень можа быць набыты прыкладна за 70 мільёнаў даляраў.
Самы вялікі ў свеце дыямент Lesedi La Rona вагой 1109 карат, выстаўлены для продажу на аўкцыён Sotheby's у Лондане, прадаць не атрымалася, паведамляе BBC.
Меркавалася, што камень памерам з тэнісны мяч можа быць набыты прыкладна за 70 мільёнаў даляраў, але таргі былі спыненыя пасля таго, як кошт не змог пераадолець адзнаку 61 мільён даляраў.
Алмаз быў знойдзены ў лістападзе 2015 года ў Батсване, так што ўлады гэтай краіны павінны былі атрымаць 60% ад выгандляванай сумы ў казну.
Першапачаткова камень важыў блізу 1500 карат, але затым, як паведамілі ў кампаніі, што здабыла яго, ён раскалоўся на дзве часткі.