Менскае «Дынама» мае запазычанасці перад гульцамі

Дзевяць клубаў Кантынентальнай хакейнай лігі маюць запазычанасці перад хакеістамі.

Сярод іх і адзіны беларускі клуб у лізе - менскае «Дынама», піша «Прессбол».

Акрамя «зуброў», запазычанасці перад гульцамі маюць яшчэ восем клубаў, сярод якіх - «Адмірал», «Барыс», маскоўскае «Дынама», «Лада», «Медвяшчак», «Сібір», «Слован», «Сочы».

«Цяпер ідуць штодзённыя кансультацыі лігі з клубамі, якія маюць за мінулы сэзон фінансавыя запазычанасці перад гульцамі, трэнерамі. Адзначаецца станоўчая дынаміка іх сплаты, а таксама больш стабільная, у параўнанні з мінулым годам, сітуацыя ў гэтым пытанні. За апошні месяц агульная сума запазычанасцяў клубаў скарацілася на 52%», - паведаміла прэс-служба КХЛ.