Па платных дарогах нельга будзе праехаць праз дэнамінацыю

Для карыстальнікаў сістэмы BelToll у сувязі з дэнамінацыяй часова не будзе даступны шэраг паслуг.

Канцэрн "Белнафтахім" інфармуе карыстальнікаў сістэмы BelToll, што ў сувязі з падрыхтоўкай да дэнамінацыі беларускага рубля і правядзеннем тэхналагічных работ з 22.00 30 чэрвеня да 4.00 1 ліпеня 2016 года будуць недаступныя шэраг паслуг, паведамляе БелаПАН.

Так, не будуць праводзіцца: рэгістрацыя праз сайт beltoll.by; укладанне пагаднення карыстання платнай дарогай; выдача бартавых прылад; праверка стану рахунку; папаўненне рахунку ў пунктах абслугоўвання кліентаў; скасаванне пагадненняў; вяртанне рэшты балансу і закладнога кошту бартавой прылады. "Зараней паклапаціцеся аб атрыманні бартавой прылады і папаўненні рахунку вашай прылады, звярнуўшыся ў пункты абслугоўвання сістэмы BelToll. Тэхналагічны перапынак не ўплывае на спагнанне платы за праезд", - адзначае прэс-служба канцэрна.

"Белнафтахім" таксама звяртае ўвагу, што з 30 чэрвеня да 4 ліпеня 2016 года банкавыя ўстановы працуюць у абмежаваным рэжыме, магчымыя перапынкі ў абслугоўванні банкавых аплатных картак у асобныя перыяды часу.

Для забеспячэння гарантаванай магчымасці заправіць аўтамабіль і набыць спадарожныя тавары і паслугі ў сетцы АЗС "Беларуснафта" рэкамендуецца выкарыстоўваць гатовыя грашовыя сродкі, зарання зняўшы патрэбную суму ў банкаматах або ўстановах банкаў.

"Звяртаем вашу ўвагу, што на АЗС "Беларуснафты" няма абменных пунктаў валюты, а разлікі за набыванае паліва робяцца толькі ў беларускіх рублях. У сувязі з гэтым міжнародным аўтаперавознікам і замежным аўтаўладальнікам, што рухаюцца па тэрыторыі Рэспублікі Беларусь, варта зараней паклапаціцца аб гатовых беларускіх грошах", - гаворыцца ў паведамленні канцэрна.