Беларускія заробкі вярнуліся да ўзроўню 1991 года
49- 1.07.2016, 8:32
- 26,448
Сярэднестатыстычны беларус атрымаў у траўні 718 рублёў з улікам дэнамінацыі.
711 рублёў ён жа, сярэднестатыстычны беларус, браў у лістападзе 1991 года. З тых часоў беларускі рубель «абрастаў нулямі» і «адкідваў нулі», перадае «Радыё Свабода».
Сярэдні заробак у далярах рос зусім не так бадзёра, як у рублях, - беларускі рубель скокамі абясцэньваецца да замежных валют, калі не лічыць перыяд стабільнасці (і рост замежнай запазычанасці) 2001-2008 гадоў. Да «абяцанай» сярэдняй заплаты 500 даляраў дацягнулі толькі аднойчы, у канцы 2010 года, сёння ж сярэднестатыстычны беларус мае 360-370 даляраў.
Беларускі рубель з'явіўся не адразу, калі Беларусь стала незалежнай, а ў сярэдзіне 1992 года. І тады ён афіцыйна прыраўноўваўся да 10 савецкіх рублёў.
На сёння без уліку дэнамінацый курс беларускага рубля да даляра ЗША складае 200 053 000.
Новымі грашыма - 2 BYN.