У Менску перакуліўся асфальтаўкладнік
6- 24.07.2016, 13:36
- 14,806
Кіроўцу шпіталізавалі з дыягназам раздрабленне левага ступака і алкагольнае ап'яненне.
У Менску праз наезд на бардзюр перакуліўся самаходны каток. Сур'ёзна пацярпеў кіроўца.
Як інфармавала прэс-служба МДУ МНС, паведамленне пра аварыю паступіла ад відавочцаў у 3 гадзіны ночы 24 ліпеня.
Ратавальнікі, якія прыбылі на вул. Прыдарожную, выявілі, што праз наезд на бардзюр перакуліўся пнеўмашынны самаходны каток «Амкадор-6641». Машына належыць УП «Рэмаўтадор Савецкага раёна».
Супрацоўнікі МНС з выкарыстаннем аварыйна-выратавальнай прылады дасталі з салона кіроўцу 1956 года нараджэння.
З папярэднім дыягназам раздрабленне левага ступака, алкагольнае ап'яненне мужчына шпіталізаваны.