Тыгр напаў на наведвальніц сафары-парку пад Пекінам
4- 24.07.2016, 20:46
- 10,061
Жанчына пасварылася са сваёй сяброўкай і вырашыла выйсці з машыны.
У сафары-парку Бадалін пад Пекінам тыгры загрызлі адну жанчыну-турыстку і паранілі іншую, пасля таго, як жанчыны, насуперак забароне, пакінулі свой аўтамабіль, паведамляе расейская служба ВВС.
Як стала вядома, жанчыны пасварыліся ў машыне, і адна з іх наважыла пайсці пешшу. Толькі жанчына выйшла, як на яе тут жа накінуўся тыгр і зацягнуў углыб ад дарогі.
Яе сяброўка кінулася ёй на дапамогу і таксама выйшла з машыны, але на яе накінуўся іншы тыгр.