Пад Лунінцом лакаматыў сутыкнуўся з МАЗам
6- 25.07.2016, 9:52
- 13,111
А 17 гадзіне 24 ліпеня ў Лунінецкім раёне на чыгуначным пераездзе ў МАЗ з прычэпам урэзаўся лакаматыў.
ДТЗ адбылося на чыгуначным пераездзе дарогі Бастынь - Велута, піша media-polesye.by.
МАЗ перавозіў блізу 20 тон збожжа. Падчас перасячэння дарожнага палатна ў грузавіка адмовілі тармазы.
Са слоў інспектара ДПС Андрэя Ярмушэвіча, лакаматыў, які рухаўся без прычапных вагонаў, урэзаўся як раз у месца счэпкі грузавіка з прычэпам. Ад удару машыну з кіроўцам у кабіне выкінула па адзін бок чыгуначнага пераезду, а прычэп перакуліўся на іншы бок ад лакаматыва і перагарадзіў другую каляіну.
У ДАІ падкрэслілі, што прычэп выкарыстоўваўся без праходжання тэхнічнага агляду.
Аварыя паўплывала на графік руху цягнікоў. Дызель-цягнік Лунінец-Баранавічы адправіўся ў шлях са спазненнем на 35 хвілін. А дызель-цягнік з Баранавічаў у Лунінец спазніўся на 20 хвілін.