У аператара velcom скарачаецца даход і колькасць абанентаў

Сярэдні даход на аднаго карыстальніка за год паменшыўся на 17% і цяпер складае 4,1 еўра.

Кампанія Telekom Austria апублікавала фінансавую справаздачу аб выніках другога квартала 2016 года. Асноўныя фінансавыя паказчыкі аператара velcom скараціліся, прычым у кампаніі віной усяму бачаць дэвальвацыю і рост ПДВ (які, дарэчы, аплачваюць абаненты), паведамляе onliner.by.

Даход ў параўнанні з аналагічным перыядам мінулага года скараціўся на 11,6% - да 76,1 млн еўраў. Прыбытак да выплаты падаткаў, адсоткаў і амартызацыі ўпаў на 20%, з 43,8 да 35 млн еўраў. Паказчык ARPU (сярэдні даход на аднаго карыстальніка) за год паменшыўся на 17% і цяпер складае 4,1 еўра.

Нязначна, на 0,2%, скарацілася абаненцкая база аператара, якая цяпер налічвае 4,9 млн карыстальнікаў. Значна павялічыліся капітальныя выдаткі аператара - з 10,7 мільёнаў да 28,6 мільёнаў еўраў.

У Telekom Austria падкрэслілі, што velcom выходзіць пазіцыянаваць сябе ў якасці прэміюм-аператара з высокім узроўнем якасці сувязі.