Літоўскі міністр: Беларускія ўлады хаваюць інфармацыю аб НЗ на БелАЭС

У Літве не маюць інфармацыі пра яшчэ адзін інцыдэнт на Астравецкай АЭС.

Міністры навакольнага асяроддзя і замежных спраў Літвы пакуль не маюць інфармацыі аб магчыма яшчэ адным інцыдэнце на пляцоўцы будаўніцтва Беларускай АЭС у Астраўцы, паведамляе ru.delfi.lt.

«Мы не маем інфармацыі. З беларусамі ёсць такая праблема, што яны не падаюць інфармацыю, асабліва такую», - сказаў міністр навакольнага асяроддзя Літвы Кястуціс Трачэкас.

Кіраўнік МЗС Літвы Лінас Лінкявічус таксама сказаў, што больш падрабязнай інфармацыяй не валодае: «Цяпер спрабуем зразумець, што адбываецца».

Як паведаміў шэраг СМІ, 10 ліпеня падчас выпрабавальнай трэніровачнай устаноўкі рэактара 330-тонны агрэгат сарваўся і ўпаў уніз з вышыні ад 2 да 4 метраў. Месца надзвычайнага здарэння ачэплена і знаходзіцца пад пастаяннай і узмоцненай аховай.

«Пакуль нічога не раскажу. Мы будзем разбірацца. Інфармацыя з'явіцца на сайце міністэрства, можа, сёння, можа, заўтра», - заявіла ўчора прэс-сакратарка Мінэнэрга Беларусі Жанна Зянькевіч.

Гэта не першае НЗ на будаўнічай пляцоўцы станцыі. 5 траўня МЗС Літвы ўручыў паслу Беларусі Аляксандру Каралю ноту праз «магчымы інцыдэнт на размешчанай за 50 км ад Вільні Астравецкай атамнай электрастанцыі». Падставай стала інфармацыя аб тым, што адбылося ў сярэдзіне красавіка абрушэнне стоек будынка ядзернага абслугоўвання электрастанцыі, апублікаваны на сайце тэлеканал». На наступны дзень Мінэнэрга Беларусі паведаміла, што 8 красавіка быў зафіксаваны дэфект пры падрыхтоўчых працах, наступствы якога ліквідаваныя.

Пазней літоўскі бок паведаміў яшчэ пра адзін нібыта зафіксаваны на будпляцоўцы інцыдэнт. Інфармацыя з гэтай нагоды таксама не была пацверджаная беларускім бокам, аднак гэта паслужыла падставай для ўручэння 8 чэрвеня ўжо другой ноты.