МУС Украіны забараніла «хросны ход» у Кіеве
51- 26.07.2016, 15:10
- 18,673
Акцыя Маскоўскага патрыярхату забароненая праз знойдзеную падчас руху гранату.
Пра гэта ў Facebook напісаў міністр унутраных спраў Украіны Арсен Авакаў, піша charter97.org.
«У гэтай сітуацыі я, як міністр унутраных спраў, не кіруюся катэгорыямі рэлігійных рытуалаў, а кіруюся катэгорыямі прыярытэту грамадскай бяспекі.
Менавіта таму, сёння, атрымаўшы адпаведную інфармацыю, у парадку прадухілення магчымых тэрарыстычных пагроз і правакацый вакол хроснага ходу праваслаўнай царквы (мп - Маскоўскага патрыярхату - рэд.) - мною былі дадзеныя ўказанні ўмяшацца ў парадак анансаванай арганізатарамі хады па горадзе Кіеве.
Выяўленыя з раніцы муляжы мін і рэальныя баявыя закладкі з гранатамі - па запланаваным маршруце руху - не пакінулі ў нас сумненняў у рэальнасці пагроз і правакацый.
Сіламі Нацыянальнай паліцыі і Нацыянальнай гвардыі - МУС заблакавала праход хроснага ходу па вуліцах Кіева.
Бяспека грамадзян – вышэй за рэлігійныя рытуалы», - напісаў кіраўнік МУС.
Сёння спецыялісты - кінолагі Нацыянальнай паліцыі Украіны з дапамогай службовых сабак, ля абочыны дарог па ходзе хроснага ходу ў Кіева-Святашынскім раёне выявілі два муляжы выбуховых прылад і дзве закладкі баявых гранат з дымавымі шашкамі.
Пра гэта паведаміў дарадца кіраўніка МУС Антон Герашчанка на сваім Facebook.
Паводле ягоных слоў, закладкі баявых гранат тыпу Ф-1, былі выяўлены за 3-5 метры ад абочыны і ў выпадку выбуху неслі б рэальную пагрозу ўдзельнікам хроснага ходу.
На месцы выяўлення выбуховых прылад працуюць выбухатэхнікі з выкарыстаннем робата-сапёра.
У мэтах прадухілення магчымага тэрарыстычнага акту, прадстаўнікам Маскоўскага патрыярхату прапанавана перасадзіць удзельнікаў хроснага ходу на аўтобусы і прайсці да месца адпраўлення культу бяспечным маршрутам.
«Нацыянальная паліцыя спадзяецца на разважлівасць прадстаўнікоў Маскоўскага патрыярхату ў пытаннях забеспячэння бяспекі ўдзельнікаў хроснага ходу і на прыняцце прапановы», - паведамляе Герашчанка.
Нагадаем, Украінская праваслаўная царква Маскоўскага патрыярхату 3 ліпеня пачала хрэсны ход на ўсходзе Украіны - з Святагорскай лаўры, а 9 ліпеня - на захадзе краіны з Пачаеўскай лаўры. 27 ліпеня ўдзельнікі мерапрыемства плануюць сустрэцца ў Кіеве на Уладзімірскай горцы і разам прайсці да Кіева-Пячэрскай лаўры. Рух удзельнікаў «хроснага ходу» рэгулярна сутыкаецца з разнастайнымі перашкодамі.