Цыгарэты ў Беларусі зноў падаражэюць

Некаторыя тыпы цыгарэт падаражэюць з 1 жніўня.

Падаражанне закране прадукцыю ААТ «Гарадзенская тытунёвая фабрыка «Нёман». Так, цыгарэты Alliance стануць даражэйшыя на 5 капеек, некаторыя тыпы цыгарэт Pall Mall - на 10 капеек, а некаторыя тыпы Kent - на 15 капеек, паведамляе БелТА.

Стане даражэйшай і прадукцыя ТАА «Тытунь-Інвест». Напрыклад, некаторыя тыпы цыгарэт Monte Carlo і Winston вырастуць у кошце на 5 капеек, Camel - 5-10 капеек.

Беларускія вытворцы і імпарцёры цыгарэт маюць права штомесяц дэклараваць максімальныя раздробныя кошты на тытунёвыя вырабы.