На Алімпіяду ў Рыа не пусцілі дзвюх беларускіх плыўчых
1- 26.07.2016, 18:21
- 3,020
Федэрацыя плавання Швайцарыі падала пратэст на ўключэнне ў заяву жаночай кролевай эстафеты Беларусі.
У адной з удзельніц квартэта Анастасіі Каракоўскай не было ліцэнзіі «А» або «Б» на дыстанцыі 100 м вольным стылем, што супярэчыць патрабаванням адбору.
Міжнародная федэрацыя плавання (FINA) задаволіла пратэст, і замест беларускай чацвёркі ў Рыа выступіць швайцарская, якая ў рэйтынгу знаходзіцца на адну пазіцыю ніжэй, піша by.tribuna.com.
Пастанова аб зняцці беларускай кролевай эстафеты была прынята ў апошні дзень акрэдытацыі, і склад беларускай дэлегацыі скараціўся на дзве плыўчыхі - у Рыа акрамя Каракоўскай не паедзе Аксана Дзямідава.