Пракуратура РФ запатрабавала ад «Эха Москвы» расшыфроўкі Шандаровіча і Радзіхоўскага

У пачатку ліпеня на радыё канфіскавалі перапіску з Андрэем Піянткоўскім.

Галоўны рэдактар «Эха Москвы» Аляксей Венядыктаў паведаміў, што пракуратура запатрабавала расшыфроўкі перадач з удзелам Віктара Шандаровіча і Леаніда Радзіхоўскага, піша РБК.

Пракуратура запрасіла расшыфроўкі перадач «Эха Москвы» з публіцыстам Леанідам Радзіхоўскім і пісьменнікам Віктарам Шандаровічам, паведаміў на сваёй старонцы ў Twitter галоўны рэдактар радыёстанцыі Аляксей Венядыктаў.

Паводле ягоных слоў, гаворка ідзе аб выпусках перадачы «Особое мнение» з Радзіхоўскім ад 14 ліпеня і з Шандаровічам ад 24 ліпеня.

У пачатку ліпеня Венядыктаў паведаміў аб тым, што супрацоўнікі ФСБ канфіскавалі перапіску рэдакцыі сайта з публіцыстам Андрэем Піянткоўскім. Крыніцы ў спецслужбе тады казалі, што следчыя дзеянні ў рэдакцыі «Эха Москвы» прайшлі ў сувязі са справай аб артыкуле Піанткоўскага «Бомба, гатовая падарвацца», у якой Генпракуратура ў лютым знайшла прыкметы экстрэмізму.

У ФСБ тлумачылі, што выманне электроннай перапіскі праводзіцца ў рамках расследавання крымінальнай справы паводле факту публікацыі на сайце артыкула, у якім змяшчаліся «заклікі да вядзення дзейнасці, накіраванай на парушэнне тэрытарыяльнай цэласнасці Расеі».

Справа расследуецца паводле прыкмет злачынства, прадугледжанага арт 280.1 (публічныя заклікі да вядзення дзеянняў, накіраваных на парушэнне тэрытарыяльнай цэласнасці Расейскай Федэрацыі) і арт 282 (распальванне нянавісці альбо варожасці, а таксама зневажанне чалавечай годнасці) КК Расеі.

Сам Піянткоўскі ў лютым пакінуў краіну праз магчымы крымінальны пераслед. Артыкул па-ранейшаму даступны на сайце, аднак, як казалася раней, у ім адсутнічаюць два апошнія абзацы, якія сталі падставай для прэтэнзій.

14 лютага Венядыктаў заявіў, што супрацоўнікі ФСБ запыталі спіс усіх рэдактараў сайта радыёстанцыі. Пазней ён паведаміў, што «Эхо Москвы падала спіс усіх рэдактараў сайта радыёстанцыі.