За вяртанне Tax Free беларусам давядзецца плаціць 3 еўры камісіі з кожнага чэка звыш 50 еўраў

Кампанія Global Blue ўвяла з 27 ліпеня камісію за вяртанне грошай паводле чэкаў Tax Free.

У выпадку перавышэння гэтага ліміту за кожны чэк давядзецца заплаціць 3 еўры камісіі, паведамляецца на сайце Тэхнабанка.

- Камісія ўведзена з сённяшняга дня. Яе давядзецца плаціць таксама паводле аформленых раней чэках, выплаты паводле якіх перавышаюць 50 еўраў і будуць праводзіцца толькі пасля 27 ліпеня, - пацвердзілі tut.by у кол-цэнтры банка.

Нагадаем, з 1 ліпеня мінулага года кампанія Global Blue ўжо ўводзіла камісію за вяртанне грошай паводле чэкаў Tax Free. Так, калі сума для выплаты перавышала 10 еўраў, то за кожны чэк трэба было заплаціць 1 еўра. Пазней кампанія скасавала гэтую камісію, пакінулі яе толькі паводле чэкаў Global Blue, аформленых у ФРГ.

Вярнуць грошы па чэках Tax Free ў Беларусі цяпер можна ў трох аддзяленнях Тэхнабанка. Адзначым, што беларусы часцей за ўсё афармляюць чэкі Tax Free менавіта праз кампанію Global Blue. Іншыя кампаніі, праз якія можна вярнуць ПДВ, - Tax Free Worldwide і Premier Tax Free таксама бяруць камісію. Пазбегнуць выплат можна ў тым выпадку, калі рабіць пакупкі ў літоўскіх крамах, якія працуюць з кампаніяй LITOFOLIJA.

Тым часам за першае паўгоддзе Тэхнабанк выплаціў беларусам 1 мільён 393 тысячы еўраў паводле чэкаў Tax Free. Гэта на 429 тысяч еўраў менш, чым за аналагічны перыяд мінулага года.