Беларус Мікалай Гаяноўскі можа паехаць у Рыа замест адхіленых расейцаў
1- 27.07.2016, 12:22
- 11,429
Міжнародны саюз сучаснага пяціборства (UIPM) адхіліў ад удзелу ў Алімпіядзе-2016 расейцаў Максіма Кустава і Ільлю Фралова.
Замест аднаго з іх у Рыа можа адправіцца беларус Мікалай Гаяноўскі, які стаіць першым у лісце чакання на еўрапейскую квоту.
«Мікалай Гаяноўскі і Таццяна Елізарава знаходзяцца першымі ў лісце чакання на еўрапейскія квоты - калі хтосьці з канкурэнтаў найбліжэйшым часам раптам траўмуецца або, скажам, будзе зняты са спаборніцтваў праз ужыванне чагосьці забароненага», - паведаміў карэспандэнту "Прессбола" галоўны трэнер каманды Беларусі Анатоль Ткачэнка.