Літва рыхтуе ноту Беларусі ў сувязі з НЗ на Астравецкай АЭС
8- 27.07.2016, 19:43
- 12,093
Урад Літвы мяркуе, што Беларусь не гарантуе бяспеку БелАЭС.
Літва мае намер уручыць Беларусі ноту з просьбай падаць вынікі расследавання ў сувязі з інцыдэнтам на Беларускай АЭС БелАЭС, Астравец, якая будуецца недалёка ад Літвы, піша interfax.by.
"Накіравалі ноту з нагоды інфармацыі пра расследаванне інцыдэнту", - сказаў у сераду агенцтву BNS міністр замежных спраў Лінас Лінкявічус.
Міністэрства энэргетыкі Беларусі ў аўторак прызнала, што ў гэтым месяцы пры будаўніцтве АЭС "няштатная сітуацыя адбылася на пляцоўцы захоўвання корпуса рэактара пры правядзенні такелажных работ яго перамяшчэння ў гарызантальнай плоскасці".
Аднак больш падрабязна афіцыйныя ўлады паведамленні СМІ пра меркаванае падзенне агрэгата вагой больш за 300 тон з вышыні некалькі метраў не каментуюць.
Беларуская АЭС будуецца ў Астравецкім раёне Гарадзенскай вобласці паводле расейскага праектаа "ВВЭР-1200". Яна будзе складацца з двух энэргаблокаў магутнасцю 1200 МВт кожны.