У Лідзе ў кватэры на восьмым паверсе вылавілі 17 кажаноў

І гэта, імаверна, далёка не ўсе крылатыя насельнікі, якія пасяліліся там.

Сітуацыі, у якой аказалася лідчанка Галіна Аркадзьеўна, прама скажам, не пазайздросціш. У яе кватэры на восьмым паверсе дома №41 на вул. Гастэлы пасяліліся кажаны.

- Падчас першай сустрэчы з нечаканымі гасцямі я спалохалася і разгубілася, а пасля звярнулася па дапамогу да суседа. У той вечар ён злавіў іх дзесяць штук, - распавядае лідчанка. - Праз пару дзён дома я зноў не змагла заснуць ад таго, што лятучыя мышы пачалі шастаць і пішчаць. Сярод ночы я вымушана была звяртацца па дапамогу ў РАНС. Там мне сказалі, што такія паслугі (адлоў кажаноў) не аказваюць. І ўсё ж пагадзіліся дапамагчы. У тую ноч былі злоўленыя яшчэ сем мышэй. Усяго за пару дзён, атрымліваецца, іх злавілі семнаццаць... Колькі ж іх усяго тут жыве?

Лідчанка ў лёгкай паніцы, піша «Лідская газета».

- Ведаю, што кажаны небяспечныя, і ўсё ж - вельмі непрыемныя, - кажа яна. - Як жа яны трапляюць у кватэру? Вокны ў нас практычна заўсёды зачыненыя, бо ў доме маленькае дзіця, і іх мы адкрываем толькі каб выветрыць памяшканне. А вось за шафай ёсць невялікая шчыліна: думаю, менавіта адтуль яны і вылятаюць.

Дырэктарка Лідскага раённага экалагічнага цэнтра дзяцей і моладзі Жанна Цехановіч пракаментавала не зусім звычайную сітуацыю:

- Для пачатку неабходна знайсці месца пранікнення кажаноў. Гэта можа быць зламаная ці дрэнна устаноўленая сетка ад насякомых, месца, дзе трубы і праводка пранікаюць у дом, дзе сцены дома злучаюцца з каньком даху, дзе балкон прымацаваны да хаты, расколіны і шчыліны, якія ўтвараюць куты або месца на стыку з вокнамі, дзвярыма.

Магчыма, гэта пустэчы паміж плітамі перакрыцця ў доме або гарышчы, адкуль яны трапляюць у тыя самыя пустэчы, а па іх, праз наяўную ў кватэры шчыліну (як кажа лідчанкі, за шафай), у кватэру.

- Некаторыя лятучыя мышы могуць праціснуцца ў адтуліну памерам з капейку, - кажа Жанна Мікалаеўна. - Перш чым пазбавіцца ад кажаноў, даведайцеся, ці маеце вы справу з калоніяй. Калі вы прыбераце дарослых кажаноў да таго, як дзіцяняты навучацца лятаць, яны памруць у будынку. Гэта не толькі нечалавечнасці, але і непрактычна, бо тушкі мышэй цяжка знайсці і выкінуць. Дзіцянятам патрабуецца каля пяці тыдняў, каб яны маглі стаць самастойнымі. Самкі кажаноў даволі ўпартыя і не пакінуць свайго гнязда (святло, шум і часнык таксама не спрацуюць). Пасля таго як выправадзіце кажаноў, вам неабходна не даць ім вярнуцца назад. Існуюць два метады, каб гэта зрабіць. Першы - заладзіць магчымыя месцы ўваходу. Другі - прымяніць мэтанакіраваную прыладу (вы можаце купіць такую прыладу або зрабіць яе самі, выкарыстоўваючы сетку, трубы з полівінілхларыду ці пустыя кантэйнеры). Пасля таго як усе кажаны пакінуць дом, трэба запячатаць ўсе магчымыя месцы ўваходу. Адпуджвае кажаноў таксама пах нафталіну. Нафталінавыя шарыкі змясціце на невялікую квадратную марлю 10×10 см. Звяжыце так, каб атрымаўся мяшочак. Прывяжыце мяшочак там, дзе гняздуюцца кажаны, пакуль іх няма. Пах не дасць ім вярнуцца на гэтае месца.

Дарэчы, той факт, што гаспадыні з дапамогай суседа і ратавальнікаў удалося злавіць семнаццаць асобін, сведчыць аб тым, што ў зацішным месцы іх жыве цэлы гурт. Адна самка выводзіць аднаго-двух дзяцей, якія хутка развіваюцца і праз месяц самі вылятаюць на паляванне. Можна меркаваць, што калонія пасялілася ў доме даўно, магчыма, яна там ужо і перазімавала. Проста менавіта зараз, асвоіўшы тэрыторыю, знайшла ход у кватэру.

Як адзначыла Жанна Цехановіч, лятучыя мышы ў той жа час вельмі карысныя жывёлы. Яны ядуць насякомых, у тым ліку небяспечных шкоднікаў лясных, садовых і палявых культур. Адзін кажан толькі за адну гадзіну вылоўлівае звыш пяцісот насякомых. Важнае значэнне мае і той факт, што кажаны палююць ноччу, калі насякомаедныя птушкі спяць.