Відэафакт: у Берасці пасля залевы дзеці «купаліся» на затопленай дарозе

Кіроўцам даводзілася спыняцца, каб не наехаць на дзяцей.

Пасля моцнага ліўня, які абрынуўся на Берасце 28 ліпеня, дзеці выйшлі на дарогу і плёскаліся ў лужыне на дарозе.

Відэа гарэзлівых дзяцей з'явілася ў інтэрнэце. На ім бачна, як дзеці ствараюць перашкоды руху па вуліцы транспарту, у тым ліку і грамадскага, піша tut.by. Як паведаміў аўтар роліка, усё дзеянне адбывалася на вуліцы Пранягіна.

На шчасце, абышлося без пацярпелых.