«Беларуснафта» хоча дапамагчы ўкраінцам здабываць газ

«Беларуснафта» можа стаць выканаўцам «Укргазздабыча» на 50 аперацый гідраўлічнага разрыву пласта.

У сістэме закупак ProZorro раскрытыя коштавыя прапановы ўдзельнікаў чацвёртага тэндэру для закупкі 25 аперацый гідраўлічнага разрыву пласта (ГРП) для ПАО «Укргазздабыча» (УГЗ), паведамляе OilNews.

Заяўкі на ўдзел у конкурсе падалі шэсць кампаній. Найвышэйшы кошт прапанавала «УПСК Дыямент». Кампанія гатова выканаць аперацыі ГРП за 134 млн грн. Кампанія «Везерфорд Украіна» прапанавала свае паслугі за 122 млн грн.

Кампанія «Халібартон Украіна» ўстанавіла кошт 120,7 млн грн, а «Палтаўская буравая кампанія» - 115 млн грн.

За 91,4 млн грн гатовая выканаць аперацыі ГРП кампанія TACROM SERVICES S.R.L. Аднак найменшы кошт 91,38 млн грн выставіла РУП «Беларуснафта».

Як паведамляў OilNews, «Беларуснафта» прапанавала найлепшую коштавую прапанову (92,6 млн грн) у трэцім тэндары УГЗ для закупкі 25 аперацый ГРП. Пры гэтым у першых двух тэндарах на 50 (па 25 кожны) аперацыі ГРП самыя нізкія кошты былі ў румынскай TACROM.

Нагадаем, раней УГЗ абвясціла чатыры тэндары на правядзенне 100 аперацый ГРП у сістэме ProZorro. «Патрабаванні да ўдзельнікаў будуць вельмі жорсткімі. У першую чаргу будзем глядзець на кваліфікацыю і досвед кампаніі. Гэта павінна быць кампанія, якая праводзіла не адну-дзве, а да тысячы аперацый ГРП», - адзначаў тады выканаўчы дырэктар прадпрыемства Аляксандр Раманюк.