Корак на дарозе ў бок Маладзечна: сутыкнуліся 8 аўтамабіляў
- 30.07.2016, 17:34
- 14,982
ДТЗ адбылося блізу 12:30. На 33-м кіламетры трасы Р28 сутыкнуліся восем легкавых аўтамабіляў.
Як паведамілі ва УДАІ Менскай вобласці, пацярпелых няма. Цяпер на месцы працуюць супрацоўнікі Дзяржаўтаінспекцыі.
- Паводле папярэдняй інфармацыі, прычына аварыі - невыкананне дыстанцыі паміж аўтамабілямі, - распавяла Onliner.by інспектар аддзялення агітацыі і прапаганды ўправы ДАІ УУС Менаблвыканкама Ірына Сапунова. - На шчасце, пацярпелых у ДТЗ няма, аўтамабілям прычыненыя механічныя пашкоджанні.
Як паведамляюць відавочцы, цяпер у кірунку Маладзечна даволі вялікі затор.
Пакуль на месцы працуюць супрацоўнікі ДАІ. Ці хутка цалкам вызваляць праезную частку, невядома.
- Каб пазбегнуць такіх сутыкненняў, ДАІ Менскай вобласці рэкамендуе кіроўцам захоўваць дыстанцыю і хуткасны рэжым, - адзначыла Ірына Сапунова.