ДАІ: Машыны, запаркаваныя на аб'ездзе вуліцы Цэткін, будзем адразу эвакуяваць

Прыпынкі забароненыя на вуліцах Караля, Няміга і Раманаўская Слабада.

Для аб'езду закрытага адцінка вул. К. Цэткін пры руху ў цэнтр горада сталічная ДАІ рэкамендуе выкарыстоўваць маршрут: завулак Дамашэўскі - вул. К. Лібкнехта - 2-і завулак Розы Люксембург з выездам на праспект Дзяржынскага. Пры руху з цэнтра лепш за ўсё ехаць вул. М. Багдановіча, праспектам Машэрава, а таксама праспектам Пераможцаў, паведамляе tut.by.

- Вуліцу Караля на адрэзку ад Нямігі да Кальварыйскай не варта выкарыстоўваць для транзітнага руху ў сувязі з тым, што на скрыжаванні Караля з Сухой вядуцца работы будаўніцтва новай лініі метрапалітэна, - папярэджваюць у ДАІ.

На Караля на адрэзку ад вул. Цэткін да Дразда забаронены прыпынак - у сувязі з неабходнасцю руху гэтай вуліцай буйнагабарытнай тэхнікі. Для павелічэння прапускной здольнасці дарогі забараняльныя знакі размешчаныя і на вуліцы Дразда. ДАІ просіць кіроўцаў не паркавацца на гэтых адрэзках. У адваротным выпадку аўтамабілі будуць эвакуяваныя. Прыпынак і стаянка забароненыя таксама на вул. Раманаўская Слабада на адцінку ад Нямігі і далей па Кальварыйскай, на вул. Няміга ад праспекта Дзяржынскага да вул. М.Багдановіча.