Рух на адцінку дарогі Менск-Гародня абмяжуюць
- 10.08.2016, 18:48
- 22,428
Рух транспарту на адцінку дарогі Менск-Гародня Валожынскага раёна будзе абмежаваны заўтра, 11 жніўня.
Пра гэта паведамілі БелТА ў Дзяржаўтаінспекцыі Менскай вобласці.
"З 15.00 да 16.30 11 жніўня на 65 км аўтадарогі Менск-Гародня запланавана правядзенне следчага экспэрыменту. У сувязі з гэтым рух усіх тыпаў транспартных сродкаў на гэтым адцінку дарогі будзе часова абмежаваны ў абодвух кірунках", - паінфармавалі ў ДАІ.
Каб не ствараць коркі ДАІ рэкамендуе аўтаўладальнікам планаваць час і маршрут паездак з улікам гэтай інфармацыі.