Праз ДТЗ утварыўся вялікі затор у бок Заслаўя
2- 12.08.2016, 21:25
- 15,564
На трасе Р28, не даязджаючы да вёскі Лошы, адбылося ДТЗ з удзелам раварысткі.
«Па Р28, не даязджаючы да Лошы, вялікае ДТЗ, акурат на месцы, дзе 4 палосы звужаюцца да дзвюх. Палоса руху ў бок ад Менска цалкам перацятая», - пішуць чытачы Onliner.by. Паводле інфармацыі ДАІ Менскага раёна крыху больш за гадзіну таму недалёка ад вёскі Лошы адбылося ДТЗ з удзелам раварысткі. Жанчына жывая, але атрымала траўмы і дастаўленая ў шпіталь.
- Так, сапраўды, на трасе Р28, не даязджаючы да вёскі Лошы, адбылося ДТЗ з удзелам раварысткі, - пацвердзілі інфармацыю ў ДАІ Менскага раёна. - З жанчынай, на шчасце, усё добра, але траўмы яна атрымала, таму яе давялося шпіталізаваць.
Цяпер на месцы ДТЗ працуюць супрацоўнікі ДАІ. Драбніцы абяцалі распавесці пазней.