Фотафакт: у Жодзіне пад аўтамабілем праваліўся асфальт

Аўто правалілася на размытым дажджамі адрэзку дарогі.

Сіняму Ford і яго кіроўцу не пашанцавала. Восень, якая заявіла пра сябе ў сярэдзіне жніўня, зрабіла згубны ўплыў на рамонт адрэзка дарогі ў Жодзіне. У выніку аўто ўсім левым бокам сышло пад зямлю. Карыстальнік пад нікам NexGen падзяліўся на форуме Оnliner.by фатаграфіямі здарэння.

- Гэта Жодзіна. Усё адбылося дзесьці блізу 16:10, - сцвярджае NexGen. - Змыла дарогу разам з аўтамабілем.

На здымках відаць, што на гэтым адрэзку дарогі быў зняты асфальт.

Па каментар з гэтай нагоды журналісты звярнуліся да дырэктара страхавой кампаніі Сяргея Шчурскага.

- У абавязковай страхоўцы гэта не страхавы выпадак. Што тычыцца добраахвотнай страхоўкі, трэба ўлічваць кампанію, якая яе выдавала. Выпадак 50 на 50. Некаторыя кампаніі прапісваюць тэхнагенныя аварыі. У іх правал грунту з'яўляецца страхавым выпадкам. Плюс трэба ўлічваць, што часам прадпрыемствы, якія вядуць рамонты дарог, у добраахвотным парадку страхуюць сваю адказнасць за прычыненне шкоды з іх віны. Дапусцім, калі дарожнікі забыліся паставіць знак аб рамонце і аўтамабіль трапіў на яму, кіроўца можа атрымаць страхоўку.