Мікола Статкевіч: Вернем выбары – вернем надзею

12 верасня, 18.00, Кастрычнiцкая плошча - акцыя за новыя выбары.

Пра гэта ў «Фэйсбуку» напісаў адзін з лідараў апазіцыі Мікалай Статкевіч.

«Без нармальных выбараў нармальнага жыцця не будзе. Бо ўлада, якую народ не выбірае і якую не можа памяняць, рана ці позна пачынае працаваць толькі на сябе. На калекцыі лімузінаў і самалётаў, на свае замежныя сакрэтныя рахункі, на палацы, на шлюх. А самае галоўнае – на тое, каб кіраваць і захоўваць усё гэта вечна.

Таму эфектыўныя рэформы, якія маглі б падняць узровень жыцця мільёнаў, блакуюцца. Бо такія рэформы перашкодзяць поўнаму кантролю над людзьмі, а значыць – бескантрольнай уладзе над імі.

І пляваць, што мільёны людзей спаўзаюць у беднасць. Галоўнае, каб жыццёвы баль для аднаго доўжыўся бясконца.

Гэтая істота скрала ў нас не толькі выбары. Яна скрала ў нас надзею на нармальнае жыццё.

Хопіць з нас надакучлівых паўтораў даўно надакучлівага фарсу. Вернем сабе скрадзенае – вернем нармальныя выбары. Вернем краіне надзею.

12 верасня ў 18.00 на Кастрычніцкай плошчы Менска – акцыя за сумленныя выбары», – напісаў Мікола Статкевіч.