Расея скасавала забарону на чартары ў Турцыю

Адпаведны дакумент падпісаў прэм'ер РФ Дзмітрый Мядзведзеў.

Прэм'ер-міністр Расеі Дзмітрый Мядзведзеў падпісаў пастанову, якая скасоўвае абмежаванні на чартэрныя авіязносіны паміж Расеяй і Турцыяй.

Адпаведны дакумент апублікаваны ў нядзелю, 28 жніўня, на сайце ўрада РФ.

«Прыняць дадатковыя меры, накіраваныя на забеспячэнне транспартнай (авіяцыйнай) бяспекі пры ажыццяўленні рэгулярных паветраных злучэнняў з Турэцкай Рэспублікай», - сказана ў пастанове. «Рэкамендаваць авіяперавознікам, якія ажыццяўляюць чартарныя паветраныя перавозкі паміж Расейскай Федэрацыяй і Турэцкай Рэспублікай, забяспечыць прыняцце дадатковых мер, накіраваных на забеспячэнне авіяцыйнай бяспекі пры ажыццяўленні такіх перавозак», - гаворыцца ў дакуменце.

Праект пастановы быў унесены ва ўрад Мінтрансам у мінулую суботу. Крыніца «Інтэрфакса» ў тургаліне напярэдадні паведамляла, што Расея можа цалкам аднавіць чартарны авіязносіны з Турцыяй «цягам двух дзён».

Чартарныя авіязносіны з Расеі ў Турцыю былі спыненыя са снежня 2015 года. Гэтая забарона была ўсталяваная ў рамках спецыяльных эканамічных захадаў у дачыненні да Турцыі пасля таго, як турэцкія ВПС у лістападзе мінулага года збілі расейскі Су-24 у раёне турэцка-сірыйскай мяжы.

9 жніўня прэзідэнт Расеі Уладзімір Пуцін на прэс-канферэнцыі па выніках сустрэчы з турэцкім лідарам Рэджэпам Таіпам Эрдаганам заявіў аб аднаўленні чартэрных палётаў з Расеі ў Турцыю найбліжэйшым часам.