У ЗША пілоты паспяхова пасадзілі Boeing з рухавіком, што разваліўся ў паветры
8- 28.08.2016, 15:59
- 18,871
На борце былі 99 пасажыраў і пяць сябраў экіпажа, пацярпелых няма.
Надзвычайнае здарэнне адбылося на рэйсе кампаніі Southwest Airlines, які рухаўся з Новага Арлеана (Луізіяна) у Арланда (Фларыда).
Прыкладна ў сярэдзіне палёту пачаў адмаўляць адзін з двух рухавікоў паветранага судна. Камандзір прыняў пастанову пасадзіць самалёт у найбліжэйшым аэрапорце - горада Пенсакола (штат Фларыда).
Пры гэтым пасажыры, удыхаючы паветра праз кіслародныя маскі, назіралі жудасную карціну: ад левага рухавіка ўслед за абцякальнікам сталі адвальвацца ўсё новыя часткі, перадае Sky News (пераклад - newsru.com).
Пасадка прайшла нармальна, ніхто з 99 пасажыраў, якія знаходзіліся на борце, і пяці сябраў экіпажа не пацярпеў. Прычыны непаладкі высвятляюцца, у Twitter Нацыянальнай рады бяспекі транспарту паведамляецца аб пачатку расследавання.
Авіякампанія адправіла пасажыраў да месца прызначэння іншым рэйсам.
A great job today by our professional @SouthwestAir pilots! The best safety device is always a well-trained pilot. pic.twitter.com/B4GpLyC6gA
— SWA Pilots' Assn. (@swapapilots) 27 августа 2016 г.