Танны барэль падкасіў «Газпрам»

Праз падзенне цаны нафты «Газпрам» страціць больш за палову прыбытку.

Праз падзення нафтавых цэнаў і перагляду кантрактаў, прывязаных да іх, «Газпрам» у 2016 годзе страціць больш за $7 млрд чыстага прыбытку, што складае блізу 50% ад леташняга паказчыка. Пры гэтым у 2017 годзе кампаніі яшчэ трэба будзе правесці як мінімум два разборы для карэкцыі цэнаў, піша Gazeta.ru.

Прывязка доўгатэрміновых газавых кантрактаў да цэнаў нафты адчувальна адбіваецца на фінансавых выніках «Газпрама». Цана газу рэагуе на зніжэнне нафты з лагам у шэсць - дзевяць месяцаў. І калі ў 2015 годзе сярэдняя цана барэля была блізу $53,4, то ў гэтым годзе яна будзе прыкметна ніжэйшая (самы аптымістычны прагноз - блізу $50 за барэль, аднак у большасці выпадкаў гаворыцца пра $45). У пятніцу цана барэля Brent на міжкантынентальнай біржы ICE у Лондане складала $49,6, але цяпер назіраецца тэндэнцыя да росту (хоць, згодна з большасцю прагнозаў, вышэй за $55 барэль не падымецца). У студзені, напрыклад, нафта падала ніжэй за $29.

Паводле ацэнцы Фонду нацыянальнай энэргетычнай бяспекі, сярэднегадавая цана расейскага газу, які пастаўляецца ў далёкае замежжа, у 2016 годзе складзе $170 за 1 тыс. кубаметраў, тады як у 2015 годзе яна складала $240.

Паводле вынікаў мінулага года прыбытак «Газпрама» склаў $99,6 млрд, паказчык EBITDA (прыбытак да выплаты падаткаў і без уліку амартызацыі) - $32 млрд, а чысты прыбытак - $15,4 млрд.

«За 2016 год мы прагназуем даход на ўзроўні $74 млрд, EBITDA - блізу $20 млрд, чысты прыбытак - блізу $7 млрд», - кажа аналітык Райффайзенбанка Андрэй Палішчук.

Зрэшты, хутчэй за ўсё, паказчыкі будуць трохі вышэйшыя, бо гэты прагноз будаваўся зыходзячы з сярэднегадовой цаны барэля $42. Сам «Газпрам», напрыклад, раней казаў, што чакае ўзроўню EBITDA за 2016 год блізу $25 млрд.

У «Газпраме» адмовіліся ад каментароў.

Праз пастаяннае змяненне рынкавай кан'юнктуры «Газпрам» вымушаны пастаянна пераглядаць пагаднення са сваімі контрагентамі. Напрыклад, у сакавіку 2016 года расейская манаполія дамовілася аб карэкціроўцы цэн з нямецкай Uniper (падраздзяленне канцэрна E.ON). Падрабязнасці не раскрываліся, аднак E.ON заявіла, што змяненне пагаднення дазволіць ёй спісаць рэзервы, якія кампанія рабіла раней: у першым квартале станоўчы эфект ад гэтага на EBITDA павінен быў скласці €380 млн, у другім - €800 млн. У красавіку расейскі холдынг падпісаў пагадненне, якое датычыцца адаптацыі цэны, з французскай Engie. Падрабязнасці таксама не раскрываюцца.

І ў тым і ў іншым выпадку змены былі занесеныя толькі пасля таго, як кліенты «Газпрама» звярнуліся ў Стакгольмскі арбітраж.

У 2017 годзе «Газпрам» чакаюць судовыя разборы з польскай PGNiG і турэцкай Botas, якія таксама патрабуюць скарэктаваць цану.

А вось з Беларуссю на наступны год «Газпрам» ужо дамовіўся. Пра гэта ў пятніцу паведаміў «Коммерсантъ». Прычым у гэтым выпадку гаворка ішла ўжо не пра карэкціроўку кантракту, а пра змяненне формулы цэнаўтварэння, якая стане зараз цалкам рублёвай і будзе грунтавацца на сярэдняй цане ўнутранага рынку Расеі плюс павышаючыя каэфіцыенты. У выніку ў дачыненні да цяперашняй цана знізіцца прыкладна на 30% і складзе 6 тыс. руб. (блізу $100) за 1 тыс. кубаметраў. Цяпер цана для Беларусі складае $132.

Калі арыентавацца на мінулагоднія аб'ёмы паставак у Беларусь (18,8 млрд кубаметраў), то выручка «Газпрама» толькі праз гэтае пагадненне знізіцца прыкладна на $600 млн.

У той жа час дамоўленасць можна лічыць кампрамісам, бо раней беларускі бок заяўляў, што ўважае справядлівай цану на расейскі газ $73 за 1 тыс. кубаметраў. Пра гэта ў траўні казаў міністр энэргетыкі Беларусі Уладзімір Патупчык.

Але, са слоў Андрэя Палішчука, страты ад перагляду кантрактаў для «Газпрама» другарадныя. Асноўнае зніжэнне выручкі звязана менавіта са зніжэннем нафтавых коштаў, якія цягнуць за сабой газавыя.

Намеснік кіраўніка Фонду нацыянальнай энэргетычнай бяспекі Аляксей Грывач кажа, што калі цана барэля ўтрымаецца на існым узроўні, то ў наступным годзе экспартныя цэны на газ будуць расці. Таксама Грывач адзначыў, што зніжэнне фінансавых паказчыкаў «Газпрама» ў далярах у 2016 годзе будзе часткова кампенсаваная дэвальвацыяй рубля, а большасць выдаткаў кампанія нясе менавіта ў рублях.