Амерыканская баскетбалістка падпісала кантракт з «Цмокамі-Мінскам»

Кантракт Рэйчэл Тэрыёт з беларускім клубам разлічаны на адзін год.

Баскетбольны клуб «Цмокі-Мінск» абвясціў аб пачатку супрацоўніцтва з абаронцай Рэйчэл Тэрыёт.

Кантракт з амерыканскай баскетбалісткай разлічаны на адзін год, паведамляе афіцыйны сайт беларускага клуба.

Рэйчэл Тэрыёт правяла 4 гады ў камандзе каледжа «Нябраска». За гэты час новая баскетбалістка «Цмокаў» неаднаразова трапляла ў сімвалічныя пяцёркі і рэйтынгі гульцоў за вынікі сезонаў у студэнцкай лізе.

У сярэднім за гады гульні за «Хаскерс» Рэйчэл набірала 11.4 бала, 3.5 падбору і 5.5 перадачы.