Перад матчам Беларусь - Францыя заўзятарам раздадуць 13 тысяч футболак
5- 30.08.2016, 21:48
- 7,132
На ўсіх крэслах арэны перад матчам пакладуць футболкі з новым брэндам каманды Беларусі «Белыя крылы».
6 верасня а 21.45 на «Барысаў-Арэне» каманда Беларусі ў футболе стартуе ў кваліфікацыі ЧС-2018 матчам з віцэ-чэмпіёнамі Еўропы камандай Францыі, піша tut.by.
Абноўлены аддзел маркетынгу федэрацыі футбола падрыхтаваў да гульні невялікі сюрпрыз для заўзятараў.
Так, на ўсіх крэслах арэны перад матчам пакладуць футболкі з новым брэндам каманды Беларусі «Белыя крылы».
У перапынку гурт Navi выканае песню «Наперад белакрылыя», якая стала неафіцыйным гімнам нацыянальнай каманды, пры гэтым на экраны арэны будуць выводзіцца словы песні.
Будуць арганізаваныя пункту продажу атрыбутыкі і калекцыйных і рарытэтных футбольных сувеніраў. У забаўляльнай зоне арганізатары матчу плануюць арганізаваць чатыры пункты аквагрыму, дзве фотабудкі і прынтэр з бясплатным друкам фотаздымкаў заўзятараў.
Упершыню на афіцыйным матчы каманды будзе працаваць «будка галоснасці», у якой кожны заўзятар зможа пагутарыць з карэспандэнтам АБФФ ТБ.
Таксама заўзятарам прапануюць намаляваць плакат у падтрымку галоўнай каманды краіны.